En o informe d’o Seminario Aragonés de Sociolingüistica “L’aragonés y lo catalán en l’actualidat” (Reyes et al. 2017) observamos una presencia relativa muit important d’ambas luengas en as ciudatz, plegando a estar un 53% d’os parlants declaraus d’aragonés y un 47% d’os de catalán. Esta presencia ye muit important en Zaragoza, aplegando a 7.183 fablants declaraus d’a primera y 12.291 d’a segunda. En “L’aragonés en Zaragoza” femos un segundo informe demolingüistico que completa lo primero y que nos permite fer una aproximación scientifica a la realidat social d’esta luenga en a capital aragonesa.
Pa plantiar una politica lingüistica en a ciudat de Zaragoza conoixer a realidat sociodemografica d’a luenga aragonesa ye clau. Pues en este entorno urbano convive fablants nativos y neofablants, con caracteristicas socials asaber-lo diferents. O informe ye un encargo d’a Oficina de Lengua Aragonesa d’o concello de Zaragoza pa afundar en o conoiximiento d’os parlants en a capital y se presenta como una ferramienta de treballo pa disenyar politicas lingüisticas apegadas a la realidat.